التقدم والاستمرار اساس أى عمل ناجح

نحن نصنع فرقا في حياة الاخرين

مارس 2011 كان تاريخ ميلاد حلم و أمل .

حلم إننا نقدر نصنع محتوى لا يقل جودة ولا احترافية عن المحتويات العالمية. و أمل إن المحتوى ده يساعد ناس كتير تكتشف صوتها الحقيقى و رسالتها فى الحياة و إنها تقدر تعيش كل يوم بحماس عالي وهى بتنقل خبرات حياتها للكون كله فتأثر فيه بالنفع وتقدر من ورا ده تعمل بيزنس حقيقى مستقر ومربح .

وتعدى أيام مليانة تحديات (نتعلم منها) وأيام فيها انتصارات (نفرح بيها وتدينا دفعة اننا نكمل فى وسط التحديات ) ونتعرف على ناس يخلوا الرحلة أجمل و أجمل ناس تقرر إ نها تكون جزء من الرحلة وتنضم لعائلة قادة السوق .

وناس تقرر إنها تشاركنا التدريبات ويصروا إنهم ما يضيعوش أي فرصة نكون فيها مع بعض حتى وإن كانت التزامتهم كتير ومابتخلصش .

احنا حابين ان اكبر عدد منكم يتعلم إزاى يقدر يبدأ أو يكبر بزنس حقيقى فى عالم صناعة المعلومات ( التدريب ). ازاي يحول خبرته أو شغفه إلى "علم ينتفع به" . يفيد الناس ويستفيد . قررنا نشارككم كل اللي اتعلمناه فى سنين طويلة مع ناس عندهم خبرات حياتية أو عملية فى مختلف المجالات (طب - هندسة - صيدلة - محاسبة - ادارة - مالية - تدريس - بزنس - تسويق - تدريب....) .

"والنهاردة هو اليوم اللي حبينا نقولكم فيه "شكرا .

شكرا إنكم كنتم أجمل ما فى الرحلة. و حابين نقولكم شكرا بطريقتنا. .